KryesoreLajme

6-vjeçarja në Kamëz torturohej nga babai me thupër. Deklaratë skandaloze e nënës: E bënte nga dashuria

KAMËZ– 6-vjeçarja e dhunuar në Kamëz është rrahur edhe me thupër nga babai i saj, Raimond Kunoraj, i cili është vënë në pranga. Tre ditë pas denoncimit të ngjarjes së rëndë në Komisariatin e Policisë Kamëz, nëna e të voglës ka pranuar para grupit hetimor se ishte në dijeni të dhunës që i ati ushtronte ndaj saj.

Në një intervistë në emisionin “Shqipëria Live” në Top Channel, gruaja tha se ata kishin 6 vite të ndarë prej dhunës që ai ushtronte dhe ishin bashkuar para 1 muaji e gjysmë. Pavarësisht se e bija ndodhet në gjendje të rëndë në spital, gruaja tha se nuk e ka bërë bërë ajo denoncimin dhe se mediat nuk duhet të abuzojnë.

Lexo më shumë  Haxhiu prezanton projektplanin për agjendën parlamentare për çështje të grave dhe barazi gjinore

Ajo ka thënë më tej se 27-vjeçari Kunoraj e ka goditur me thupër dhe e ka kafshuar të bijën por sipas saj mendonte se e bënte ngaqë e kishte marrë malli e jo për ta dhunuar. Prokuroria ka kërkuar ekspertim psikik dhe analizat e gjakut të të dy prindërve nga ku mund të vërtetohet nëse ata janë përdorues të lëndëve narkotike.

6-vjeçarja ka telefonuar shumë herë të ëmën duke i kërkuar që të mos e lërë vetëm me të atin nga frika e dhunës, por gruaja nuk i ka kushtuar rëndësi. Ajo ka shfaqur shqetësime edhe në shkollë, deri në të vjella. Nga shtrati i spitali, vogëlushja ka treguar se i ati e dhunonte dhe e kafshonte.

Lexo më shumë  Kurti për buxhetin e vitit 2027: Synon ta çojë Kosovën në fazë të re të transformimit ekonomik

Ekspertiza mjeko-ligjore ka gjetur gjurmë dhunë në trupin e të vogël, përfshirë këtu dhe në organet gjenitale. Vetë 27-vjeçari Kunoraj ka pranuar dhunën e ushtruar ndaj të bijës, por jo abuzimin seksual. Sot pritet që Gjykata të japë masën e sigurisë për Kunorajn, ndërsa për të ëmën nuk është ndërmarrë asnjë masë nga organet e drejtësisë.

Rruga Press

YouTube player

Leave a Reply

Your email address will not be published. Required fields are marked *