33-vjet nga vrasja e poetit Havzi Nela, Berisha-Ramës: Kërko ndjesë për aktin kriminal të Kristaqit
Ditën e sotme është përkujtuar poeti i njohur, Havzi Nela, i cili u ekzekutua me varje 33 vite më parë nga regjimi komunist.
Ish-kryeministri Berisha në një reagim në rrjetin e tij social, duke iu drejtuar kryeministrit Edi Rama i kërkon që të kërkojë ndjesë për aktin kriminal që i ati i tij bëri 33 vite më parë me firmosjen e vrasjes së Havzi Nelës.
Në postimin e tij ai shkruan edhe një ndër poezitë e poetit të ndjerë duke ia drejtuar Ramës si i biri i xhelatit.
Postimi i Berishës:
“Sot 33 vjetori i martirizmit te poetit disident Havzi Nela.
Edvin sot eshte nje dite qe mund te kthehesh ne njeri!
Kerko ndjese!!\
Te dashur miq, sot mbare kombi shqiptar perulet me respekt para kujtimit dhe vepres se pavdekshme te martirit te lirise, poetit disident Havzi Nela, i cili 33 vjet me pare u var per fjalen e lire ne sheshin kryesor te qytetit te Kukesit me firmen e xhelateve te diktature staliniste Ramiz Alia dhe Kristaq Rama, babai bilogjik i Edi Rames.
Ky akt horror qe deshmon fytyren mizore te diktatures hoxhiste kishte synim kryesor jo vetem hakmarrjen primitive te xhelateve te rregjimit por edhe terrorizimin e popullates ne teresi dhe inteligjences shqiptare ne veçanti dhe te vriste pa lindur çdo varg apo fjale lirie. Nderim perjete poetit disident Havzi Nela!
Ketu me poshte keni nje poezi te poetit Havzi Nela dhe nje status per te birin e xhelatit Kristaq Rama qe se bashku me diktatorin Ramiz Alia firmosi varjen ne litar te poetit disident. sb
-Poezia “Fryma e Helsinkit” nga Havzi Nela
Kështjella feudale tundet e lëkundet
Si nji varkë e thyeme mbi valët përkundet;
Tirani mizor me detin sot po mundet
Thellë, gjithnji ma thellë n’mes dallgëve po futet.
Fryma e Helsinkit u derdh porsi era
Na përkëdheli zemrat, çeli si pranvera;
Këtu në votrat tona futi gaz e shpresë
Na zgjoi afsh e vrull, ndoshta, nuk do vdesë!
-Sot eshte nje dite qe mund te beheshe njeri
Edvin! Sot eshte 33 vjetori i varjes ne litar ne sheshin qendror te qytetit te Kukesit te poetit disident Havzi Nela, me firme te xhelateve RamizAlia dhe Kristaq Rama, babait tend biologjik.
Sot eshte nje dite qe Edvin Kristaq Xhelati mund te “vare” brenda vehtes çnjerezoren e neobllokmenit dhe te tregoje qofte dhe per pak çaste nje grimce ndergjegje te njeriut te qyteteruar, te denoje krimin mizor te te atit te tij xhelat dhe te kerkoje ndjese publike familjes dhe se paku botes se letrave per varjen me firmen e Ramiz Alis dhe Kristaq Rames te poetit disident Havzi Nela.
Keto pak rrjeshta nuk i shkruaj per politike por si nje apel per ngadhenjimin e njeriut mbi antinjeriun! sb”
Rruga Press