162 fëmijë kanë mbetur vetëm në spitale pasi u nxorën nga rrënojat

February 10, 2023February 10, 2023 user 1

Ministria për Familjen dhe Shërbimet Sociale e Turqisë ka raportuar se janë 162 fëmijë të pashoqëruar të cilët janë nxjerrë nga rrënojat pas tërmetit shkatërrues në Turqi, i cili është përshkruar si “katastrofa e shekullit”.

Sipas ministrisë turke, 162 fëmijë janë nxjerrë nga rrënojat e tërmetit dhe trajtimi i tyre po vazhdon në spitale pa qenë të shoqëruar me një prind ose dikë të afërt, raportoi CNNTurk.

Lexo më shumë Afër 80,000 njerëz janë zhvendosur nga Rafahu që nga e hëna

“162 fëmijë janë nxjerrë nga rrënojat dhe trajtimi i tyre po vazhdon në spital pa një person shoqërues. 101 fëmijë janë transferuar në njësitë relevante të ministrisë tonë pas trajtimit dhe janë nën përkujdes institucional. 18 fëmijë u janë dorëzuar familjeve pas identifikimit dhe verifikimit”, ka thënë ministria.