14 viktima dhe 555 të infektuar në Kosovë nga COVID-19

December 2, 2020 user 1

Autoritetet shëndetësore në Kosovë kanë regjistruar të mërkurën 555 raste të reja me koronavirus, pas marrjes së 1,340 mostrave.

Instituti Kombëtar i Shëndetit Publik (IKSHPK) ka njoftuar se brenda 24 orëve janë regjistruar 14 viktima.

“Rastet e vdekjes janë nga komunat: Ferizaj 3 raste (82, 75, 69 vjeç), Prishtinë 2 raste (77, 56 vjeç), Gjilan 2 raste (82, 63 vjeç), Prizren 1 rast (76 vjeç), Gjakovë 1 rast (65 vjeç), Kamenicë 1 rast (70 vjeç), Istog 1 rast (78 vjeç), Suharekë 1 rast (81 vjeç), Mitrovicë 1 rast (84 vjeç) dhe Viti 1 rast (78 vjeç)”, është thënë në njoftimin e IKSHPK-së.

Lexo më shumë 27 vjet më parë nisën luftimet e para frontale ndërmjet UÇK-së dhe forcave serbe

Sipas të dhënave të këtij Instituti të mërkurën janë regjistruar edhe 324 raste që kanë mposhtur virusin, derisa raste aktive aktualisht janë 13,722.

Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 40,672 të prekur nga sëmundja Covid-19, që shkakton koronavirusi.

Prej tyre 1,040 pacientë kanë vdekur.

Lexo më shumë Konjufca pret në takim homologun e tij nga Maqedonia e Veriut