ZYRTARE: Raphael Varane lojtari më i ri i Manchester Unitedit
Mbrojtësi francez, Raphael Varane është futbollisti më i ri i Manchester Unitedit.
Varane ka nënshkruar me “Djajtë e Kuq” një marrëveshje që e mban atë në “Old Trafford” në katër vitet e ardhshme, shkruan Demokracia.com.
“Manchester United është i kënaqur të njoftojë se klubi ka arritur marrëveshje me Real Madrid për transferimin e mbrojtësit ndërkombëtar francez dhe fituesit të Kupës së Botës, Raphaël Varane, me kusht që të përfundohen kushtet mjekësore dhe të lojtarit”, thuhet në komunikatën e Man Unitedit.
Varane ishte pjesë e Real Madridit nga viti 2011, ndërsa më herët ka bërë karrierë te Lens në Francë.
Raportohet se Raphael Varane i ka kushtuar 50 milionë euro Manchester Unitedit plus bonuset.