Zvicra s’e lejon Danimarkën të dërgojë automjete të blinduara në Ukrainë

Qeveria e Zvicrës ka vënë veton ndaj kërkesës së Danimarkës për të dërguar automjete të blinduara të prodhimit zviceran në Ukrainë, njoftoi të mërkurën transmetuesi zviceran SRF.

Sekretariati i Shtetit për Çështjet Ekonomike (SECO) hodhi poshtë ofertën e Danimarkës për të ofruar rreth 20 automjete luftarake këmbësorie Piranha III për Ukrainën në mes të luftës së saj me Rusinë dhe përmendi politikën e saj të neutralitetit për të mos furnizuar me armë zonat e konfliktit.

Zvicra kërkon që vendet e huaja që blejnë armë zvicerane të kërkojnë leje për t’i rieksportuar ato.

Në prill, ajo vuri veton ndaj rieksportit të municioneve të prodhimit zviceran të përdorur në tanket kundërajrore që Gjermania po dërgon në Ukrainë.

Ajo ka refuzuar gjithashtu kërkesën e Polonisë për armë për të ndihmuar Ukrainën fqinje.

Megjithatë, në një lëvizje të befasishme në fillim të këtij viti, Zvicra braktisi pozicionin e saj historikisht neutral në çështjet e jashtme dhe ra dakord të vendosë sanksione kundër Rusisë.

Përveç miratimit të masave në mbarë BE-në, u sanksionua edhe kryeministri rus Mikhail Mishustin dhe një “numër individësh që kanë lidhje me Zvicrën dhe janë të afërt me presidentin rus”.

Një marrëveshje vizash zvicerane e vitit 2009 për shtetasit rusë gjithashtu u hoq.

Rruga Press