Zvicër/ Shkolla Shqipe organizon seminarin e mësuesve

Ditën e diel është mbajtur në qytezën Zumikon seminari me temë: “Si ta masivizojmë mësimin e gjuhës, kulturës dhe historisë shqipe” në Zvicër organizuar nga “Shkolla Shqipe” në Zvicër. Në këtë aktivitet morën pjesë mësues të shkollave shqipe në Zvicër, të cilët shkëmbyen përvojat e mësimdhënies dhe ato të organizimit sa më të mirë të orëve mësimore në kuadër të procesit mësimor në “Shkollën Shqipe” në Zvicër.

Mësuesit u ndalën kryesish në temat të ndryshme të mësimdhënies si “Rëndësia e ndërthurjes së mësimit të gjuhës shqipe me elementë të historisë së kombit tonë – bazë për ruajtjen e identitetit kombëtar”, (Teuta Myrtaj), “Si ta organizojmë një orë mësimore”, “Si të masivizojmë “Shkollën Shqipe”. (Dr. Vaxhid Sejdiu), “Ndjenja gjuhësore dhe mënjanimi i gabimeve drejtshkrimore (Isuf Ismaili).

Gjatë këtij takimi gjithashtu u prezantua ecuria e deritanishme e disa prej degëve të Shkollës së gjuhës shqipe në Bazel, Zyrih, Lucernë dhe Zug.

Pjesë e këtij takimi nëpërmjet komunikimit online ishte edhe anëtarja e këshillit koordinues të Diasporës, Kanada  Adriana Bejko e cila u ndal te “Mendësitë e reja bashkëkohore në mësimdhënien e gjuhës shqipe” si dhe këshilltari i Ambasadës Shqiptare në Zvicër Valon Gashi.

Rruga Press