Zgjedhjet lokale, Ardita Sinani nga PVD fiton Preshevën

Ardita Sinani, këshilltarja e kryeministrit të Kosovës Albin Kurti, nga Partia për Veprim Demokratik fitoi shumicën e votave në zgjedhjet lokale në Preshevë. Ajo shpalli fitoren mbrëmjen e së dielës ndërsa falënderoi të gjithë qytetarët për mbështetjen.

“Subjekti ynë politik mori 4078 vota. Kjo fitore përveçse është rritje për subjektin tonë politik, krahasuar me numrin në rënie të votuesve, për ne është shumëfish më e madhe, pasi kemi dominuar në të gjitha bastionet”- deklaroi Sinani.

Ajo e cilësoi procesin zgjedhor shumë të rëndësishëm, ndërsa theksoi se për katër vitet e ardhshme do të qeverisë me maturi dhe përgjegjësi.

Rruga Press