Zelensky urdhëron “spastrimin e gardës shtetërore”, pas komploteve të dyshuara për vrasje

Presidenti i Ukrainës, Volodymyr Zelensky, i tha shefit të ri të shërbimit të gardës shtetërore të Ukrainës që “të pastrojë” radhët e saj nga njerëzit që e diskreditojnë atë pasi dy oficerë të saj u akuzuan për komplot për të vrarë zyrtarë të lartë.

Sipas The Guardian, përcjell Telegrafi, Shërbimi i Sigurisë Shtetërore (SBU) tha muajin e kaluar se kishte kapur dy zyrtarë të shërbimit të rojës të akuzuar për bashkëpunim me Rusinë për të komplotuar vrasjen e Zelenskyt dhe zyrtarëve të tjerë, duke përfshirë shefin e inteligjencës ushtarake Kyrylo Budanov.

Shërbimi i rojës ofron siguri për zyrtarë të ndryshëm të qeverisë.

Vrasja e Zelenskiy ishte menduar si një “dhuratë” për Vladimir Putin, presidentin rus, i cili u inaugurua në Kremlin muajin e kaluar për herë të pestë, citohet të ketë thënë SBU.

Duke prezantuar Kolonelin Oleksiy Morozov para stafit të hënën, Zelensky tha se objektivi i tij kryesor ishte të siguronte që vetëm ata që e shohin të ardhmen e tyre të lidhur me Ukrainën t’i bashkohen agjencisë.

“Dhe, sigurisht, agjencia duhet të pastrohet nga kushdo që nuk zgjedh Ukrainën për vete ose diskrediton shërbimin e rojeve shtetërore”, ka shkruar ai në Telegram.

Zelensky shkarkoi paraardhësin e Morozov, Serhiy Rud në maj, dy ditë pasi SBU arrestoi punonjës të agjencisë për të cilët tha se punonin për Shërbimin Federal të Sigurisë të Rusisë dhe zbuluan informacione të klasifikuara.

Rruga Press