Zelensky shkon në zonën kufitare për herë të parë që pas inkursionit në Kursk

Presidenti ukrainas, Volodymyr Zelensky, ka udhëtuar për në rajonin Sumy të enjten në vizitën e parë të tij në zonën kufitare që kur forcat e tij u futën në territorin rus.

Pas një takimi me komandantin ushtarak, Zelensky ka thënë se forcat ukrainase kanë marrë kontrollin e një zone tjetër në rajonin rus të Kurskut dhe të burgosur rusë të luftës të cilët ai shpreson t’i shkëmbejë me ukrainasit që mbahen në Rusi, raportoi AP. 

Por avancimet atje vijnë derisa Ukraina po vazhdon të humbasë tokë në rajonin Donetsk. Ministria e Mbrojtjes në Rusi ka thënë se ushtria ka marrë kontrollin e fshatit Mezhove.

Futja e Ukrainës në Rusi shënon marrjen e parë nën kontroll të territorit rus që nga Lufta e Dytë Botërore.

Rruga Press