Zelenski: Trupat ukrainase kanë përparuar deri në 3 kilometra brenda Kurskut

Presidenti i Ukrainës, Volodymyr Zelensky, ka deklaruar se forcat ukrainase kanë përparuar në regjionin Kursk të Rusisë “deri në tri kilometra”.

“Vëmendja më e madhe është tani në Novohrodivka and Vodiane, atje ku sulmet janë më intensive”, është shprehur Zelensky gjatë një videoadresimi të dielën vonë, raporton AP. 

Ai tha se trupat ukrainase kanë marrë kontrollin e “dy vendbanimeve të tjera” në Rusi dhe operacionet janë duke u zhvilluar në një tjetër.

Presidenti ukrainas bëri gjithashtu një lutje për një marrëveshje të G7-ës për të mbështetur një hua prej 50 miliardë dollarësh për Ukrainën duke përdorur asetet e ngrira ruse si kolateral, për t’u vënë në veprim pa vonesë.

“Nevojitet një mekanizëm i vërtetë që këto fonde të mund të përdoren për të mbështetur vendin dhe popullin tonë këtë vit”, është shprehur Zelensky të dielën.

Shtytja e Ukrainës në Rusi shënon kapjen e parë të territorit rus që nga Lufta e Dytë Botërore, por kjo po ndodh teksa Kievi po vazhdon të humbasë terren në lindje të Ukrainës.

Rruga Press