Zbardhen detajet e marrëzisë së Putinit, po nxjerr nga burgjet vrasës dhe ish-spiunë të dënuar për të luftuar në Ukrainë

Zbardhen detaje të tjera nga plani ogurzi i Putinit, për të nxjerrë të burgosurit nga qelitë, me qëllim që të luftojnë në Ukrainë.

Sipas “Daily Mail”, ai po rekruton vrasës të dënuar dhe ish-spiunë ushtarakë të burgosur për luftën në Ukrainë, ndërsa Rusia mundohet të rrisë rekrutimet e burgjeve në një përpjekje të dëshpëruar për të forcuar forcat e vijës së parë, midis të rekrutuarve janë ish-agjentë të inteligjencës ushtarake të burgosur dhe ish-anëtarë të forcave speciale me eksperiencë në shërbime të mëparshme ushtarak.

Pavarësisht se pak ditë më parë u njoftua se Rusia po rekrutonte vetëm të burgosurit që nuk ishin akuzuar për vrasje ose krime të rënda pasi u refuzuan nga ushtria ruse, tani si duket gjërat kanë ndryshuar pasi ka raportime se tani edhe vrasësit po rekrutohen, tek sa Putini kërkon më shumë ushtarë në vijën e parë.

Në disa burgje, qindra të burgosur thuhet se janë gati të regjistrohen me premtimin se do t’u jepet një amnisti.

Megjithatë, nxitja e rekrutimit shihet si një shenjë se Putinit i mungojnë trupat për vijën e frontit, pavarësisht se ka një ushtri prej një milioni ushtarësh.

Të dënuarit zgjidhen, më pas ju jepen dy javë trajnim përpara se të fluturojnë në zonën e luftës dhe vendosen në ‘grupe sulmi’ në vijën e parë nga ushtria private Wagnere cila punon ngushtë me ministrinë ruse të mbrojtjes.

“Disa u zgjodhën nga shefat e kolonive penale, ata u morën nga puna në kampin e burgut, kundër dëshirës së tyre dhe u ftuan për të biseduar, bëhet fjalë ish-pjesëmarrës të luftës, ose ata me grada mjaft të larta ushtarake”, tha një burim për kanalin opozitar rus SOTA.

Ndërkohë një i afërm i një të burgosuri u shpreh se: “Ata po shkojnë me dëshirën e tyre për të pasur një amnisti dhe për të jetuar normalisht pasi të kthehen, për hir të familjeve dhe fëmijëve të tyre”.

Të paktën një vrasës i dënuar dihet se është dërguar në rajonin e Donbasit për të luftuar, me premtimin se dënimi i tyre do të anulohet pas gjashtë muajsh nëse luftojnë.

Kujtojmë se të burgosurve u është premtuar diku tek 2,700 paund për të luftuar në luftë, ose 64,000 £ do ju dërgohen të afërmve të tyre nëse vriten. Gjithashtu shërbimi i sigurisë FSB – dikur i drejtuar nga Putin, thuhet se është përfshirë në skemë.

Rruga Press