Xhaferri i drejtohet Veliajt: Nuk mund të bëjë moral para të rinjve ai që u ka vjedhur të ardhmen!

Nga Besart Xhaferri

Ditën kur zgjodhi të shfajësohej për 3 Muskotierët e tij që u kapën duke përvetësuar paratë publike përmes kompanisë 5D, Erion Veliaj kishte mbushur Bashkinë me gjimnazistë, ku ndër të tjera nuk u kurseu atyre moralin me fjalimet hipokrite për meritokracinë.

E vërteta është se pas Edi Ramës, Erion Veliaj është armiku më i madh i të rinjve në Shqipëri, pasi ai e ka kthyer Tiranë në një vend ku meritokracia vritet dhe vlerë është vetëm hajnia. 

Këto para që vidhen nga taksat e qytetarëve të Tiranës sot, do të paguhen nga këta të rinj nesër si borxh i mbartur dhe nuk e di ku e merr guximin që i sheh në sy ai gjimnazistët, studentët dhe të rinjtë, për të cilën ka promovuar vetëm alternativën bukë dhe cirk. 

A e di ai se një student e ka të pamundur të përballojë një qira sot në kryeqytet, apo që një çifti të ri i duhen rreth 7 dekada punë për të blerë një apartament në Tiranë, si një bazë për të nisur jetën. 

Erjon të jesh e siguritë se të rinjtë do të përgjigjen një ditë, ndërkohë para ligjit do përgjigjen edhe ata drejtues shkollash që të rinjtë i sjellin si pjesë e dekorit tënd të korrupsionit.

Rruga Press