Xhaferri: Firmat për kulla dhe resorte, ‘ura’ që lidhin Ramën me bandat e kokainës
Besart Xhaferri në një postim në Facebook shkruan se firmat për kulla dhe resorte janë “Ura” që lidhin Edvin Ramën me bandat shqiptare, të cilat tashmë janë pjesë e tregtisë ndërkombëtare të kokainës.
Sipas Xhaferrit, lejet e ndërtimit, të cilat aktualisht janë një monopol i Edi Ramës, janë përdorur për të mbështetur dhe pastruar paratë e grupeve kriminale, duke i dhënë atyre mundësi për operacione të paligjshme, si dhe licencën për të përdorur Portin e Durrësit si bazë operacionale.
Ai gjithashtu denoncon përfshirjen e studiove ndërkombëtare të arkitekturës në këtë proces, duke thënë se Edi Rama po pastron paratë nga kanabizimi dhe kokaina përmes projekteve të ndërtimit.
Në këtë kontekst, Xhaferri kritikon SPAK për pasivitetin e tij, duke sugjeruar se veprimet e tij janë të lidhura ngushtë me interesat politike dhe ekonomike të qeverisë.
Shkrimi i plotë:
Firmat për kulla dhe resorte janë “Ura” që lidh Edvin Ramën me bandat shqiptare që janë bërë pjesë e tregtisë ndërkombëtare të kokainës.
Të gjitha dosjet e grupeve kriminale që ekspozoi SKY ECC kanë një emërues të përbashkët, lejet e ndërtimit, që sot janë Monopol i Edi Ramës.
Edi Rama ka vendosur ti ndihmojë me logjistike grupet kriminale, ku u ka dhënë licencë për përdorimin e Portit të Durrësit si bazë operacionale, teksa u ka dalë garant për të pastruar paratë në sektorin e ndërtimit.
Në këtë biznes Edi Rama ka përfshirë dhe studio ndërkombëtare të arkitekturës, teksa pasi ka pastruar paratë e kanabizimit në komplekse banimi, po pastron paratë e kokainës në kulla ku ka guxuar të vendosë dhe fytyrën dhe firmën e tij.
Në këtë panoramë SPAK po kujdeset vetëm të mirëmbajë “Urën”, pasi dhe operacioni kundër Pojave u zvarrit që Edi Rama të konfirmonte fuqinë e tyre elektorale dhe të mbaronte punë me samitin e BE, pasi nëse ky operacion do kishte ndodhur para 11 Majit, gazetarët e huaj që ndiqnin samitin në Tiranë nuk do merreshin me atletet e bardha të Ramës, por me miellin e bardhë që eksporton në Evropë.
Rruga Press