Vuçiqi vazhdon dramat dhe panikun: Në 48 e orët e ardhshme Serbia do të tronditet nga lajmet që presim

Presidenti i Serbisë, Aleksandar Vuçiq, ka reaguar përmes një postimi në rrjetin social “Instagram” në lidhje me situatën në rajon, duke vazhduar ‘vajtimet’ e përhershme e duke përhapur panik.

Vuçiqi ka deklaruar se Serbinë e presin ditë të vështira, duke shtuar që së shpejti do t`i informojë qytetarët e Serbisë për të gjitha sfidat që e presin.

“Serbinë e presin ditë të vështira. Në këtë moment nuk është e lehtë të thuhet se çfarë lajmesh kemi marrë e do të marrim në 48 orët e fundit. Ato kërcënojnë drejtpërdrejt interesat jetike kombëtare si të Serbisë ashtu edhe të Republikës Srpska”, ka shkruar ai në profilin në Instagram.

“Do të jetë e vështirë, më së vështiri deri më tani”, tha Vuçië, i cili po ashtu shprehu besimin për fitoren e Serbisë. “Ne do të luftojmë. Serbia do të fitojë”, ka deklaruar Vuçiqi.

Vuçiqi edhe në të kaluarën ka dhënë deklarata të tilla duke e paraqitur gjendjen si “shumë të rëndë”.

Kujtojmë se këtë të mërkurë pritet të mbahet mbledhja e Komisionit Politik të Këshillit të Evropës, ku do të votohet raporti i Dora Bakoyannis, në të cilin rekomandohet që Kosova të pranohet në këtë organizatë.

Rruga Press