Vuçiqi flet në telefon me Macronin, i kërkon t’i bëjë presion Kosovës

Presidenti i Serbisë, Aleksandar Vuçiq ka njoftuar se ka zhvilluar bisedë përmes telefonit me Presidentin e Francës, Emmanuel Macron, ku ka deklaruar se ia ka paraqitur situatën e fundit në Kosovë, duke shtuar se ndaj serbëve “është duke u ushtruar dhunë direkte”.

Ai tha se i ka kërkuar Macronit që të bëjë përpjekje shtesë “që pala e Prishtinës të vjen në vete dhe të kthehet në kornizën konkrete të bisedimeve sa më parë që të jetë e mundur”.

Vuçiqi ka thënë se e ka falënderuar presidentin francez për vullnetin e tij që ta dëgjojë Beogradin si dhe e ka falënderuar për përcaktimin e tij për të bërë përpjekje shtesë për zgjidhjen e situatës, që është e ka quajtur, komplekse dhe të rrezikshme.

Ndërkohë është Vuçiqi ai që ka rrefuzuar takimin trepalësh në Bruksel, të ndërmjetësuar nga Borrell.

Rruga Press