Vrasja e gazetarës investigative, del RAPORTI: Shteti i Maltës është përgjegjës për vdekjen e saj
BBC shkruan se në raportin e publikuar nga mediat malteze, shteti kishte mohuar të merrte hapa për sigurinë e gazetares, edhe pse kishte dijeni që jeta e saj ishte në rrezik.
Një hetim publik mbi vrasjen e gazetares investigavite malteze Daphne Caruana Galizia ka zbuluar se shteti i Maltës është përgjegjës për vrajsen e saj. BBC shkruan se në raportin e publikuar nga mediat malteze, shteti kishte mohuar të merrte hapa për sigurinë e gazetares, edhe pse kishte dijeni që jeta e saj ishte në rrezik.
Caruana Galizia vdiq në një sulm me bombë pranë shtëpisë së saj në tetor të 2017-ës. Hetimi për vrasjen e saj bëri që kryeministri i vendit Joseph Muscat të hapë dorëheqjen në 2019-ën, pasi në këtë hetim u përfshinë bashkëpuntorët e tij, ndonse ai vetë i ka mohuar të gjitha akuzat për korrupsion.
E quajtur “Wikileaks”, Caruana Galizia zbuloi rrjete korrupsioni brenda dhe jashtë vendit. Ajo akuzoi në mënyrë të drejtpërdrejt politikanët maltezë dhe zyrtarë të tjerë për korrupsion në blogun e saj Running Commentary. Ajo ishte një kritike e ashpër e qeverisë. Në vitin 2017 ajo nxiti zgjedhje të parakohshme duke publikuar njoftime që lidhin Muscat me skandalin e ‘Panama Papers’, i cili ekspozoi përdorimin e parajsave fiskale nga të pasurit.
Gazetarja Daphne Caruana Galizia u vra në kohën që ishte duke punuar mbi një dosje korrupsioni, investigimin e skandalit të njohur si “Panama Papers”. Ajo mbeti e vdekur në një atentat me bombë që iu vu nën makinë e marrë me qera. Trupi i saj u gjet nga i biri, Metthew, i cili dëgjoi shpërthimin nga banesa./dosja/