Von Cramon mban fjalim në Parlamentin Evropian: Vràsjà e Afrim Bunjakut në detyrë është goditje ndaj paqes dhe sigurisë

Raportuesja për Kosovën në Parlamentin Evropian, Viola von Cramon, ka thënë se Bashkimi Evropian bashkë me NATO-n duhet të dalin me një plan sigurimi për veriun e Kosovës.

Në diskutimin e eurodeputetëve për sulmin e 24 shtatorit në veri, që po mbahet të martën në Parlamenitn Evropian, Von Cramon ka thënë se sulmi ndaj Policisë së Kosovës në Banjskë lë të kuptohet që paqja në Ballkanin Perëndimor nuk mund të merret si e mirëqenë.

Ajo ka bërë thirrje për Serbinë që të kërkojë përgjegjësi nga sulmuesit, përfshirë ish-nënkryetarin e Listës Serbe, Millan Radoiçiq.

“Sulmi brutal ndaj policëve të Kosovës në Banjskë është përkujtim i qartë që nuk mund ta marrim për të mirëqenë paqen në Ballkanin Perëndimor. Polici i vrarë, Afrim Bunjaku në detyrë është goditje ndaj paqes, sigurisë, jetës normale në veri të Kosovës. Duhet qartësisht të bëjmë thirrje që sulmuesit të thirren para drejtësisë. Millan Radoiçiq nënkryetari i Listës Serbe me seli në Beograd, Serbia duhet të veprojë në mënyrë të pakushtëzuar në çdo hetim dhe të kërkojë përgjegjësi nga gjithë sulmuesit, përfshirë Radoiçiqin. Edhe ne duhet të veprojmë, BE-ja bashkë me NATO-n duhet të dalin me një plan sigurimi për veriun e Kosovës. Përforcimi i trupave të KFOR-it është suksesi në dorën tonë”, ka thënë ajo.

Rruga Press