Vllaznia thyen Partizanin në “Loro Boriçi”, Skëndërbeu ringrihet ndaj Egnatias

Vllaznia vijon formën pozitive dhe pavarësisht barazimit me Teutën arriti të mposhtte 1-0 Partizanin në “Loro Boriçi”. Ndryshe nga sfida me durrsaket ku një karton i kuq ndikoi te rezultati, sot shkodranet me një lojtar më pak morën maksimumin ndaj të kuqve.

Në “Loro Boriçi”, Vllaznia e nisi vrullshëm ndeshjen teksa që në 5′, Djurdjevic vë në provë Teqjan e më pas Latifi e nxjerr jashtë kuadrati.

Insistimi i shkodranëve është i madh dhe në 28′ shpërblehen me gol kur në një goditje dënimi sërish Teqja bën heroin por kësaj radhe topi shkon te Latifi që nuk gabon.
Partizani tenton të krijojë por mbytet nga presioni i skuadrës vendase dhe në 46′ i shpeton golit të dytë kur një gjuajtje e Gurishtës godet shtyllën.

Fraksioni i dytë i ndeshjes dhuron emocione të mëdha teksa skuadra e Dajës rrit presionin dhe shton rastet. Në 66′ Partizani ka një rast të pastër por Krymi e pengon Carën dhe del me të kuq.
Ndryshon e gjithë ndeshja dhe është Partizani që rrezikon dy herë me Junior në 71′ dhe Mala në 81′ por nuk ja dalin.

Gjithsesi, sfida përfundon me fitoren e Vllaznisë që merr tre pikë dhe kalon në kuotën e 20 pikëve, 7 pas Tiranês kryesuese.

‌Në sfidën tjetër në Korcë, u luajt dueli i mbijetesës mes Skënderbeut dhe Egnatias ku këta të fundit debutojnë me trajnerin e ri Zekirija Ramadani. Miqtë luajtën më mirë në pjesën e parë, qarkulluan më shumê topin dhe ju afruan më shume golit si në rastin e 38′ kur valport gjuan por topi grushtohet. Korçarët nisin të reagojnë dhe Mensah në 43′ i afrohen golit por vetëm me fillimin e pjesës së dytë e arrijnë me anë të Mensah që shtyn topin në rrjetë pas tentativës së Vitijës.

Në minutën e 58′ loja ndalet për fajin e arbitrit Hamiti pasi peson nje tërheqje muskulare dhe pas shumë minutash zëvendësohet nga Beqiri.

Gjithsesi korcarët vijuan të sulmonin dhe vulosën fitoren me golin e dytë të Elvi Berishës n 87′. Një fitore që ka vlera të mëdha në luftën për mbijetesë të korçarëve.

Rruga Press