(VIDEO) Udhëtim i rrallë jashtë Kievit, Zelensky viziton qytetin port të Mykolaivit
Presidenti ukrainas, Volodymyr Zelensky ka vizituar qytetin port të Mykolaivit në një udhëtim të rrallë jashtë kryeqytetit, Kiev.
Në një video të publikuar nga zyra e tij, ai mund të shihet duke parë një ndërtesë banimi të dëmtuar rëndë në qytet, duke mbajtur një takim me zyrtarë rajonalë – duke përfshirë kreun e administratës rajonale të Mykolaiv, Vitaliy Kim – dhe duke dhënë çmime shtetërore për disa mjekë.
Zyra presidenciale deklaroi se ata diskutuan gjendjen e ekonomisë, rivendosjen e furnizimit me ujë dhe situatën bujqësore.
“Vëmendje e veçantë iu kushtua kërcënimeve nga toka dhe deti. Ne nuk ndalemi së punuari për fitore”, pohoi president.
Kjo vizitë vjen një ditë pasi një sulm rus vrau dy persona dhe plagosi 20 të tjerë në qytet.
Qyteti është shënjestër e rregullt e sulmeve të artilerisë dhe raketave ruse, thonë zyrtarët.
Rruga Press