(Video) Pamje të pabesueshme të nebulës PISMIS 24 – Teleskopi James Webb sjell spektaklin kozmik në detaje të jashtëzakonshme

Teleskopi hapësinor James Webb ka zbuluar informacion të ri dhe të thelluar rreth grupit të yjeve të quajtur PISMIS 24, një nga zonat më të nxehta dhe aktive të formimit të yjeve në univers.

Kjo strukturë gjendet në Nebulën e Karavidhes, e cila është një “fabrikë” masive e yjeve që formohen nga gazrat dhe pluhuri.

NASA publikoi imazhin spektakolar duke treguar mijëra yje të rinj shkëlqyes, 5 mijë e 500 vit drite larg Tokës.

Përmes pamjeve të thelluara dhe të detajuara të kapura nga teleskopi Webb, studiuesit janë në gjendje të kuptojnë më mirë se si zhvillohen yjet në kushte ekstreme dhe si ndikojnë ato në mjedisin e rrethuar.

PISMIS 24 është një nga rajonet më të ndritshme të krijimit të yjeve dhe është vendi i disa nga yjet më të rinj dhe të nxehtë që njihen, duke ofruar një mundësi të shkëlqyer për studim.

Ky zbulim përbën një hap të rëndësishëm për astronominë moderne dhe ofron një mundësi të jashtëzakonshme për të kuptuar më shumë mbi formimin e yjeve dhe evolucionin e galaksive.

James Webb, teleskopi më i madh dhe më i fuqishëm i dërguar ndonjëherë në hapësirë, u lansua para katër vjetësh. Ai vëzhgon universin në spektrin infra të kuq, i cili i lejon të depërtojë në pluhurin hapësinor dhe të regjistrojë skena të lindjes së yjeve.

Distanca deri në mjegullnajë është 5.500 vit dritë, me një vit dritë që është rreth 9.46 trilionë kilometra.

Rruga Press