(Video) New York Times mund të ketë gjetur prova filmike të krimeve të luftës ruse

Një hetim i New York Times ka zbuluar prova të reja të mizorive të luftës të kryera nga forcat ruse në Bucha, një qytet jashtë kryeqytetit ukrainas.

Në një video, ushtarët rusë mund të shihen duke çuar një grup burrash nën kërcënimin e armëve përgjatë një rruge.

Disa nga robërit janë të përkulur, duke mbajtur rripat e atyre që kanë përballë, teksa të tjerët kanë duart mbi kokë.

Videot thuhet se janë filmuar më 4 mars nga një kamerë sigurie dhe një dëshmitar në një shtëpi aty pranë. Këto pamje janë marrë nga The New York Times.

Rusia ka mohuar vazhdimisht kryerjen e ndonjë krimi lufte gjatë pushtimit të qytetit.

©Rruga Press