VIDEO- Mimi Kodheli nuk shkon në sallën e Komisionit të Jashtëm, PD: Mbledhja online është absurde, tanket serbe janë në kufi!
Opozita ka shkuar sot në sallën e Komisionit të Politikës së Jashtme për të marrë pjesë në mbledhjen e konstituimit, por Kryetarja e Komisionit, Mimi Kodheli, nuk ishte prezente. Këtë e ka bërë të ditur Partia Demokratike, nëpërmjet një deklarate të nënkryetarit të Komisionit, Tomor Alizoti. Ai u shpreh se kjo ishte në shkelje të Rregullores së Kuvendit, pasi e zhvilloi mbledhjen online nga zyra e saj, duke iu fshehur opozitës dhe përballjes me të.
“Është absurde që Komisioni i Jashtëm, në pikën më të rëndësishme të Kombit shqiptar, ku tanket serbe janë në kufi, ku sot është edhe vizita e Fonderlajnit, në situatën kritike të politikës së jashtme, Komisioni parlamentar i Politikës së Jashtme mblidhet online, pra, mblidhet nëpërmjet telefonave, mblidhet nëpërmjet selfie-t. Kur e gjithë Shqipëria është e hapur, kur kafet janë plotë, kur koncertet nga bota sllave vijnë dhe këndojnë në Shqipëri, me mijëra njerëz të cilët konsumojnë edhe alkool, Shqipëria sot dhe kombi shqiptar që ka një sfidë të madhe, ku ka lënë Kosovën vetëm, ku diskutohet vetëm Open Balkan, për influencat e Serbisë, kur influencat ruse janë afër Ballkanit, komisioni i Jashtëm është online. Është me telefona. Ne ishim fizikisht dhe nuk patëm mundësi të komunikomnim me njëri-tjetrin, të komunikonim me kolegët tanë, të kuptonim mbi sfidat e politikës së jashtme, mbi sfidat e këtij vendi, është absurde, është e turpshme që kjo Republikë Parlamentare, s’ka asnjë tipar parlamentar. Ky shtet është kthyer në një teatër kukullash. Është keq për vebdin,ndjehem shumë i shqëtësuar bashkë me kolegët e mi që nuk kemi mundësi të mbrojmë interesat e vendit tonë, interesat e Shqipërisë, interesat e opozitës. Por fakti që kryeministri, “ikona e modës shqiptare”, ka frikë nga përballja, është e tmerrshme për këtë vend. Ndjehem shumë i trishtuar që ne nuk kemi jetë parlamentare.
Rruga Press