VIDEO/ Me pranga në duar, PAMJET e arrestimit të kongresmenes amerikane! Mori pjesë në protestat e Capitol për të drejtën e votës

Kongresmenia e Partisë Demokratike në SHBA, Joyce Beatty, ishte një nga nëntë personat e arrestuar gjatë një proteste për të drejtat e votimit në Capitol të enjten.

Vetë Beatty publikoi në Twitter një fotografi nga momenti i arrestimit. Postimin e shoqëroi me fjalitë: “Lërini njerëzit të votojnë. Luftoni për drejtësi”.

Sipas NBC, Beatty ishte duke marrë pjesë në një protestë me të cilën po i bëhej thirrje Senatit që ta miratojë Aktin “Për Popullin”, që në të vërtetë është projektligji i paraqitur nga Partia Demokratike për reformë në sistemin zgjedhor. Ky projektligj u miratua në Dhomën e Përfaqësuesve në mars, por po mbahet pezull në Senat për shkak të pengesave që po i paraqet Partia Republikane.

Policia e Kapitolit tha se grupi ishte duke demonstruar në një zonë të ndaluar në bazat e Kapitolit dhe injoroi thirrjet e tyre për tu shpërndarë. Videoja e arrestimit të Beatty tregoi atë duke brohoritur “Luftë për drejtësi” ndërsa polica e largonte nga vendngjarja.

“Unë solidarizohem me gratë afro-amerikane dhe aleatët në të gjithë vendin në mbrojtje të së drejtës sonë kushtetuese për të votuar. Ne kemi arritur shumë larg dhe kemi luftuar shumë për të parë gjithçka të çmontuar dhe kufizuar sistematikisht nga ata që dëshirojnë të na heshtin. Jini të sigurt se ky është vetëm fillimi. Ky është Fuqia Jonë, Mesazhi Jonë “.-tha Beatty në një deklaratë.

Rruga Press