(Video) Gjarpri 1.5 metra mes lojtarëve, ndërpritet ndeshja e futbollit

Momente të çuditshme gjatë një ndeshje futbolli në ligën e Guatemalas kur një gjarpër 1.5 metra hyri në fushën e lojës.

Në minutën e 82-të të ndeshjes ndërmjet Nueva Concepcion dhe Municipal, me vendasit që po udhëhiqnin 1 me 0, arbitri u detyrua ta ndalonte ndeshjen pasi në fushë u pa zvarraniku helmues.

Në fillim dikush u mundua ta largonte gjarprin i vetëm, mirëpo kur e pa se ai ishte shumë i madh i erdhën në ndihmë edhe dy policë që e goditën dhe e larguan gjarprin.

Më pas loja vijoi dhe u mbyll me fitoren e Nueva Concepcion që siguroi fitoren e parë për këtë sezon.

Rruga Press