VIDEO/ Drita të pazakonta në qiell e ndërtesa që “shkunden”, pasojat e tërmetit të fuqishëm në Japoni

Dy tërmetet e fuqishme që goditën Japoninë pasditen e së mërkurës kanë ndriçuar qiellin e natës.

Ashtu siç ndodh kryesisht gjatë lëkundjeve të fuqishme të tokës, qielli i natës në Japoni u ndriçua në mënyrë të çuditshme ndërsa ndërtesat shihen teksa lëkunden. Pas goditjeve të forta sizmike në Japoninë qendrore, në disa zona pati edhe ndërprerje të energjisë elektrike.

Kujtojmë se vendi u godit fillimisht nga një tërmet me magnitutë 6.0 dhe ajo që pasoi ishte një goditje më e fuqishme me magninutë 7.3 të shkallës Rihter.

Sipas raportimeve, lëkundjet u ndjenë edhe në prefekturat e Miyagi-t dhe Fukushimës, ndërsa ndërprerje të energjisë elektrike ka pasur në Tokio. Shërbimi Gjeologjik të Shteteve të Bashkuara, lëkundjet e tokës nisën rreth orës 23:35 (3:35- Shqipëri).

Nga pamjet e publikuara në mediat sociale njerëzit mund të shihen që kanë dalë jashtë banesave me “flash-e” të celularëve ndezur ndërsa për dëme në njerëz apo materiale nuk ka pasur raportime deri më tani.