Valtonen: Finlanda dhe Kosova kanë një lidhje të fortë, mbështesim integrimin euroatlantik të Kosovës
Ministrja e Punëve të Jashtme e Finlandës, Elina Valtonen të enjten ishte për vizitë në Kosovë, ndërsa është takuar me presidenten e vendit, Vjosa Osmani, kryeministrin Albin Kurti dhe ministren e Punëve të Jashtme, Donika Gërvalla.
Valtonen në një postim në X shkruan se Finlanda dhe Kosova kanë një lidhje të fortë.
“Finlanda dhe Kosova kanë një lidhje të fortë. Pata takime shumë të mira me Ministren e Jashtme, Donika Gërvalla, kryeministrin Albin Kurti dhe presidenten Vjosa Osmani.
Finlanda mbështet integrimin euroatlantik të Kosovës. Stabiliteti në rajon është kyç. Ne e kemi prioritet dialogun Beograd-Prishtinë”, shkruan ajo.
Ndryshe, edhe sot në Kosovë për vizitë do të jetë Përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak dhe ministri i Punëve të Jashtme të Turqisë, Hakan Fidan.
Finland & Kosovo have a strong bond. Had very good meetings today with FM @gervallaschwarz, PM @albinkurti & President @VjosaOsmaniPRKS. Finland supports Kosovo’s Euro-Atlantic integration. Stability in the region is key. We prioritize the Belgrade-Pristina dialogue. 🇫🇮🇽🇰 pic.twitter.com/nOl48XVwzx
— Elina Valtonen (@elinavaltonen) September 5, 2024
Rruga Press