Ushtarët izraelitë qëllojnë diplomatët e BE-së – publikohen pamjet dramatike nga Bregu Perëndimor
Forcat izraelite kanë hapur zjarr ndaj një delegacioni diplomatik ndërkombëtar që ndodhej sot në kampin e refugjatëve në Jenin, në Bregun Perëndimor të pushtuar, raportojnë mediat lokale palestineze.
Sipas të dhënave nga rrjeti Quds News Network dhe Palestinian Information Center, ushtarët izraelitë kanë qëlluar të paktën pesë herë në drejtim të delegacionit në momentin kur ata ndodheshin pranë hyrjes lindore të kampit. Deri më tani nuk ka informacione të konfirmuara për të lënduar, shkruan skynews.
Delegacioni përbëhej nga mbi 25 ambasadorë dhe diplomatë nga Bashkimi Evropian dhe shtete arabe, ndërsa qëllimi i vizitës së tyre ishte të shihnin nga afër kushtet e vështira të jetesës së civilëve palestinezë që ndodhen nën rrethimin e ushtrisë izraelite.
WATCH: Israeli occupation forces open fire directly at an international delegation visiting Jenin refugee camp, currently under a tight Israeli military siege, which included over 25 EU and Arab ambassadors and diplomats. pic.twitter.com/g9ThTW1lmK
— Quds News Network (@QudsNen) May 21, 2025
Me delegacionin ishin edhe gazetarë, dhe sipas agjencisë palestineze të lajmeve Wafa, ishte planifikuar edhe një takim me guvernatorin e Jeninit.
Kampi i Jeninit prej ditësh ndodhet nën një bllokadë të fortë ushtarake izraelite. Forcat izraelite zhvillojnë rregullisht bastisje dhe përdorin pajisje të rënda ushtarake, përfshirë dronë dhe automjete të blinduara. Qëllimi ndaj një delegacioni diplomatik ndërkombëtar rrit më tej tensionet dhe ngjall shqetësim për sigurinë e përfaqësuesve ndërkombëtarë në territoret e pushtuara.
Deri në këtë moment nuk ka pasur ndonjë reagim zyrtar nga pala izraelite, as ndonjë koment nga Bashkimi Evropian.
The Israeli army opens fire towards an international delegation visiting Jenin refugee camp, which has been under a tight Israeli military siege since January 19. The delegation includes EU and Arab ambassadors and diplomats. pic.twitter.com/YN6DrrMcwA
— Quds News Network (@QudsNen) May 21, 2025
Rruga Press