UNESCO: 53 vende historike në Ukrainë janë dëmtuar

Agjencia kulturore e Kombeve të Bashkuara, UNESCO, ka thënë të shtunën se të paktën 53 vende të rëndësishme kulturore janë dëmtuar që nga fillimi i luftës në Ukrainë.

Kjo përfshin 29 kisha, 16 ndërtesa historike, katër muze dhe katër monumente, raporton BBC.

Disa vende të dëmtuara janë në dy qytetet më të mëdha të Ukrainës – Kiev dhe Kharkiv, por edhe në Chernihiv, një nga më të vjetrat e tij.

“Kjo është lista e fundit, por nuk është shteruese, pasi ekspertët tanë po vazhdojnë të verifikojnë një numër raportesh,” u citua të ketë thënë një zëdhënës për agjencinë e lajmeve AFP.

UNESCO-ja ka thënë se po përdor imazhe satelitore dhe raporte të dëshmitarëve për të verifikuar dëmin.

Rruga Press