Ukrainasit godasin me dronë rafineritë ruse të naftës në Smolensk

April 24, 2024 user 1

Dronët e shërbimit sekret ukrainas kanë goditur dy rafineri të naftës në rajonin e Smolenskut në Rusi.

Burime të Ukrainska Pravda bëjnë të ditur se Rosneft ka pësuar humbjen e dy rezervuarve gjigant në Yartsevo dhe Rozdory në rajonin e Smolenskut.

Dronët ishin drejtuar nga operatorët e inteligjencës ukrainase, që goditën rezervuarët që kishin mbi 26 mijë metër kub të naftës ruse.

Lexo më shumë “I famshëm” për qëndrimet kundër NATO-s/ Zgjedhjet presidenciale në Rumani, kandidati pro rus është favorit

Shërbimi sekret ukrainas vazhdimisht ka kryer sulme të tilla, në veçanti mbi rafineritë ruse të naftës, që furnizojnë ushtrinë e Vladimir Putinit që po kryen agresion mbi Ukrainën.

Madje edhe mediat ruse kanë raportuar për shpërthime të mëdha të zjarrit në rajonin e Smolenskut, duke mos dhënë detaje sesi kanë ndodhur këto shpërthime.