Ukraina shënon ‘ditën e unitetit’ mes frikës së një pushtimi rus

Ukraina po shënon një ditë uniteti ndërsa frika vazhdon se forcat ruse të grumbulluara në kufijtë e saj mund të jenë gati për të nisur një sulm.

Presidenti Volodymyr Zelensky u bëri thirrje qytetarëve që të tundin flamurin e vendit dhe të veshin bluza blu dhe të verdha – ngjyrat kombëtare të Ukrainës.

Flamujt u panë jashtë shkollave, spitaleve dhe dyqaneve, dhe njerëzit intonuan himnin kombëtar dhe këngë të tjera patriotike për të shënuar këtë ditë.

“Këta flamuj janë këtu për një qëllim, për të treguar se nuk kemi frikë nga askush. Ata nuk na trembën”, i tha agjencisë së lajmeve Reuters një person që drejtonte një kafene të vogël në bulevardin kryesor Khreshchatyk të Kievit.

Një flamur 200 metra i gjatë u parakalua nëpër Stadiumin Olimpik Kombëtar dhe turmat iu bashkuan “marshimit të unitetit” në Kiev.

Zelensky e shpalli 16 shkurtin – e cituar nga zyrtarët amerikanë si një datë e mundshme kur Rusia mund të sulmonte – një “ditë uniteti” në një fjalim sfidues drejtuar kombit të hënën.

Rruga Press