Ukraina rikthen tokat e pushtuara në veri të Avdiivkas

Instituti për Studimin e Luftës ka njoftuar se trupat ukrainase kanë kthyer nën zotërim disa zona të humbura gjatë luftës me Rusinë. Në raportin e publikuar të martën, ISW-ja njoftoi në X se trupat ruse fillimisht kishin sulmuar në ato zona, por Ukraina mori zonën veriore të Avdiivkas.

“Forcat ruse së fundmi përparuan në jugperëndim të qytetit të Donetskut. Pamjet e publikuara më 7 prill të një sulmi rus tregojnë se forcat ruse përparuan në veri të Novomykhailivkas”, thuhet në njoftimin e ISW-së.

Në raportin e plotë thuhet se sulmet me dronë të Ukrainës ndaj rafinerive ruse të naftës e kanë detyruar Moskën të kërkojë importe benzine nga Kazakistani.

“Presidenti rus, Vladimir Putin, udhëzoi kabinetin e ministrave rusë dhe kompaninë ruse të ndërtimit të makinerive, Konar Sha, që të rrisë prodhimin e kompetentëve për industrinë e veglave, me gjasë si përpjekje e vazhdueshme për të zgjeruar bazën industriale ruse të mbrojtjes dhe për të zbutur efektet e sanksioneve ndërkombëtare”, thuhet ndër të tjera në raport.

Rruga Press