Ukraina qëllon luftanijen ruse në Detin e Zi (Video)
Rusia e ka konfirmuar se trupat ukrainase ia kanë qëlluar një luftanije në Detin Zi, ka raportuar BBC-ja.
Sulmi, nga ku humbi jetën të paktën një person, ka ndodhur në orët e vona të së hënës në portin Feodosiya në Krimenë e pushtuar nga Rusia.
Ministria ruse e Mbrojtjes ka thënë se anija e madhe Novocherkassk u godit nga aeroplanët ukrainas që mbanin raketa të drejtuara.
Nga shpërthimi janë dëmtuar gjashtë ndërtesa dhe një numër i vogël njerëzish u dërguan në qendra të akomodimit të përkohshëm.
Operacionet e transportit të portit thuhet se po funksionojnë normalisht pasi zona u rrethua, ndërsa zjarri u vu nën kontroll.
Krimea njihet ndërkombëtarisht si pjesë e Ukrainës, por është nën pushtimin rus pasi ishte aneksuar në 2014-n.
Rruga Press