Ukraina ndan detaje rreth armës “Tryzub”, e aftë për të goditur objektiva në një lartësi mbi dy kilometra

Ukraina posedon një armë laser të aftë për të rrëzuar objektiva ajrore në një lartësi më shumë se 2 kilometra, ka njoftuar një zyrtar ushtarak.

Por, Vadym Sukharevskyi nuk dha më shumë detaje në komentet e tij të para zyrtare për ekzistencën e armës.

“Sot ne mund të rrëzojmë aeroplanë në një lartësi prej mbi 2 km me këtë laser”, tha Sukharevskyi, shkruan Reuters.

Ai njoftoi se laseri u quajt Tryzub – fjala ukrainase për “trident”, që është një simbol i përdorur në stemën kombëtare – duke sugjeruar se ishte prodhuar në vend.

Ndryshe, në prill, ish-ministri britanik i Mbrojtjes, Grant Shapps dha një paralajmërim për laserin britanik DragonFire.

Shapps deklaroi se ai mund të përdoret potencialisht në Ukrainë për të luftuar dronët rusë.

Raportohet se DragonFire do të hyjë në shërbim në vitin 2027.

Rruga Press