Ukraina heq paralajmërimin për të mos udhëtuar në Hungari

Në përgjigje të rezultateve të zgjedhjeve parlamentare hungareze, në të cilat fitoi konservatori pro-evropian Peter Magyar, Ministria e Punëve të Jashtme e Ukrainës hoqi sot një paralajmërim që u këshillonte qytetarëve ukrainas të shmangin udhëtimet në Hungari.

“Kjo fushatë zgjedhore, e cila për fat të keq ishte plot me manipulime në lidhje me Ukrainën, tani ka mbaruar”, tha Ministri i Jashtëm ukrainas Andriy Sibiga në Facebook.

“Si pasojë, është zvogëluar edhe rreziku i shtuar i provokimeve, i cili çoi në këto kufizime”, tha Sibiga, i cili shprehu shpresën se do të ketë një normalizim të plotë të marrëdhënieve midis dy vendeve.

Sipas tij, zëri hungarez tregon dëshirën “për të jetuar në një Hungari vërtet të pavarur, e cila është pjesë e një Evrope të bashkuar dhe të lirë, dhe jo në zonën e ndikimit të Moskës, as në zonën e anarkisë dhe frikësimit”.

“Zgjedhja e hungarezëve shënon gjithashtu humbjen e shantazhit dhe propagandës anti-ukrainase. Kjo është domethënëse. Hungarezët e kanë thënë qartë – mjaft”, përfundoi Sibiga.

Rruga Press