Ukraina dhe Britania nënshkruajnë marrëveshje sigurie në Kiev – sa miliardë euro britanikët ndanë për ukrainasit
Presidenti ukrainas, Volodymyr Zelensky dhe kryeministri britanik, Rishi Sunak, nënshkruan të premten një marrëveshje sigurie midis dy vendeve në Kiev.
Zelensky e përshkroi atë si një “marrëveshje të paprecedentë sigurie”. Mediat lokale e cituan atë të ketë thënë se marrëveshja do të mbetet në fuqi derisa Ukraina të bashkohet me NATO-n.
Rishi Sunak tha se donte të dërgonte një “sinjal të fortë” të mbështetjes së Mbretërisë së Bashkuar për Ukrainën, raporton theguardian.
“Ne jemi një nga mbështetësit më të rëndësishëm të Ukrainës, veçanërisht kur bëhet fjalë për ofrimin e ndihmës ushtarake. Jam i kënaqur që jam këtu sot për të njoftuar se kemi rritur ndihmën. Ne po veprojmë përpara se të skadojë me një angazhim të ri prej 2.5 miliardë paund (rreth 3 miliardë euro) – më shumë se sa kemi dhënë në vitet e mëparshme”, tha Sunak.
Putin's having a bad day. Franticly busy urging hens to lay eggs, today the UK slapped down his propaganda claim, the West is fed up with #Ukraine. Today in Kyiv, President Zelensky & British prime minister Rishi Sunak signed a "comprehensive" security accord between the two… pic.twitter.com/oVKBT1BARd
— Glasnost Gone (@GlasnostGone) January 12, 2024
“Kjo përfaqëson seriozitetin e situatës këtu dhe vendosmërinë tonë për të qëndruar me Ukrainën. Dhe kjo është arsyeja pse unë jam këtu në vizitën time të parë të huaj të këtij viti, lideri i parë i huaj që viziton Ukrainën këtë vit”, pohoi ai.
Ai tha se paralajmëroi “për të dërguar një sinjal të fortë mbështetjeje për popullin ukrainas, por gjithashtu një sinjal të fortë mbështetjeje që Vladimir Putin duhet të pranojë se ne nuk do të shkojmë askund. Jam këtu me një mesazh të qartë. Mbretëria e Bashkuar qëndron me Ukrainën”.
Ndryshe, Mbretëria e Bashkuar së bashku me SHBA-të dhe BE-në po e ndihmojnë më së shumti Ukrainën në luftën kundër pushtuesit rus.
Rruga Press