Udhëheqësit e BE-së miratojnë mbështetjen për Ukrainën pa firmën e Orban dhe Fico-s

Këshilli Evropian ka miratuar mbështetjen për Ukrainën, por pa nënshkrimet e Viktor Orban të Hungarisë dhe Robert Fico të Sllovakisë, raporton Euronews. Ata të dy ishin të përfshirë në një mosmarrëveshje me Kievin mbi tubacionin e naftës Druzhba.

Deklarata e miratuar flet për kredinë prej 90 miliardë eurosh për Ukrainën dhe paketën e 20-të të sanksioneve kundër Rusisë, të cilën Hungaria dhe Sllovakia po e bllokojnë.

Sipas një diplomati të BE-së, gjatë diskutimeve, Orban bëri një ndërhyrje shumë të shkurtër brenda dhomës, duke argumentuar se ai kishte të drejtën për të bllokuar vendimin e miratuar nga udhëheqësit në dhjetor.

Rruga Press