U fundos në Detin e Zi, “krenaria” e Rusisë kthehet në objekt i trashëgimisë kulturore të Ukrainës

April 22, 2022 user 1

Mbytja e anijes luftarake “Moska” është një nga ngjarjet përcaktuese të luftës në Ukrainë deri më tani.

Ishte anija kryesore e Flotës ruse të Detit të Zi, kryqëzor raketor me më shumë se 500 ekuipazh, ndërsa u fundos nga një vend me një marinë shumë më të vogël.

Dhe tani, rrënojat e krenarisë së flotës ruse janë shpallur objekt i trashëgimisë kulturore nënujore të Ukrainës. Numri #2064 për të qenë të saktë, i përket kategorisë së pajisjeve të rralla shkencore ose teknike, raporton BBC.

Lexo më shumë Ukraina i quan ato sulme mish për top, plani brutal i Rusisë për të fituar terren

Në një postim në faqen e tyre zyrtare në Facebook, Ministria e Mbrojtjes shkroi “80 milje nga Odesa, kryqëzori i famshëm dhe objekti më i madh i fundosur në fund të Detit të Zi mund të admirohen pa shumë zhytje!”

Rrënojat janë në një thellësi rreth 45-50 metra. Mbytja e “Moskës” nuk ishte vetëm fitore ushtarake, por edhe psikologjike për Ukrainën.

Lexo më shumë Ukrainasit me shpejtësi të jashtëzakonshme po zhvillojnë armë të lira, me to po ndryshojnë rrjedhën e luftës

Rruga Press