Bota

Turqia nis hakmarrjen, godet objektivat e militantëve kurdë në Irak dhe Siri

user 1

Ushtria turke po godet objektivat e Partisë së Punës të Kurdëve (PKK) në Irakun verior dhe në Siri pas sulmit të djeshëm në Ankara.

Ministria turke e Mbrojtjes thotë se deri më tani ka goditur 32 objektiva në këto dyja shtetet.

Ministria njoftoi gjithashtu se operacionet ajrore po “vazhdonin”, shkruan skynews.

Asnjë grup nuk ka marrë përgjegjësinë për sulmin e dukshëm terrorist në kompaninë e aviacionit TUSAS, por zyrtarë të lartë të qeverisë në Ankara kanë drejtuar gishtin nga grupi militant kurd.

Lexo më shumë  Zëdhënëses së ministrisë së Jashtme ruse i cingëron telefoni në konferencë, dikush e urdhëron të mos flasë për sulmin me raketë ndërkontinentale në Ukrainë

Kujtojmë se në sulmin e sotëm në selinë e linjës ajrore turke, TUSAS, kanë mbetur të vdekur pesë persona.

Gjithashtu është raportuar se janë vrarë edhe dy sulmuesit, një grua dhe një burrë, të cilët shihen duke kryer aktin brenda kompanisë shtetërore të aviacionit.

Ndryshe, PKK-ja po lufton për autonomi në Turqinë juglindore që nga vitet 1980 – ku deri më tani kanë vdekur dhjetëra mijëra njerëz.

Lexo më shumë  Trumpi e emëroi për prokuror të përgjithshëm, Gaetz heq dorë pas presionit të publikut

PKK-ja konsiderohet grup terrorist nga Turqia dhe aleatët e saj perëndimorë.

Sulmi i sotëm në një objekt mbrojtës në Ankara vjen një ditë pasi kreu i partisë nacionaliste të ekstremit të djathtë të Turqisë – aleate me presidentin turk, Recep Tayyip Erdoganin – ngriti mundësinë që liderit të burgosur të PKK-së, Abdullah Ocalan, mund t’i jepet lirimi me kusht nëse ai heq dorë nga dhuna dhe shpërndahet organizata e tij.

Rruga Press

YouTube player