Tjetërsoi e shiti pronë në Dhërmi, burg për topografin e bashkisë së Himarës

Gjykata e Vlorës së bashku me prokurorinë kanë vendosur masën e sigurisë “Arrest me burg” për topografin e bashkisë Himarë,  Elton Marko.

Ai akuzohet për shpërdorim detyre dhe falsifikim dokumentacioni.

Seanca gjyqësore u drejtua nga relatorja Herila Cela.

Topografi i bashkisë akuzohet se ka falsifikuar aktin e marrjes së tokave në pronësi dhe se ka përdorur formularin për regjistrimin e një toke, të cilën më pas e shiti.

Për tjetërsim të pronësisë, në zonën e Dhërmiut është arrestuar dhe ish-kreu i Kadastrës, Klodian Troci dhe vartësit e tij.

Rruga Press