Tjetër aktakuzë ndaj Trumpit

August 15, 2023 User2

Një tjetër aktakuzë është ngritur kundër ish-presidentit të Shteteve të Bashkuara të Amerikës, për tentim shfuqizimi të humbjes në zgjedhjet presidenciale të vitit 2020 në Georgia.

Një juri e madhe ka vendosur që Trumpi dhe 18 persona të tjerë të përballen me akuza për disa vepra penale, përfshirë mashtrimin.

Lexo më shumë Pas fitorës së raundit të parë të zgjedhjeve nga kandidati anti-Nato, Presidenti i Rumanisë mbledh Këshillin e Lartë të Mbrojtjes për cënimet e sigurisë nga Tiktok-u

Janë 41 akuza e 13 prej tyre ndaj Trumpit, ndaj të cilit është aktakuza e katërt e ngritur sivjet.

Trumpi i ka mohuar të gjitha akuzat për vepra penale.

Prokurorja e qarkut të Fultonit, Fani Willis, e nisi hetimin në shkurt të vitit 2021 mbi dyshimet se Trumpi dhe bashkëpunëtorët e tij kishin ndërhyrë në zgjedhje. Në aktakuzë thuhet se atij iu bashkua një grup për ta ndryshuar jashtëligjshëm rezultatin e zgjedhjeve në të mirë të Trumpit.

Lexo më shumë Ushtarët rusë po vdesin masivisht në Ukrainë

Aktakuza të pandehurve iu referohet si “organizatë kriminale”.

Rruga Press