Thirrrje anti-shqiptare në Beograd, serbët djegin flamurin e Kosovës

December 13, 2022 user 1

Në Beograd mbështetësit e ekstremit të djathtë kanë dalë në protestë në mbështetje të serbëve të Kosovës. Protesta u zhvillua mbrëmjen e së hënës përpara Kishës Shën Sava.

Protestuesit kanë kënduar këngë për Kosovën dhe këngë përçmuese për shqiptarët.

Ata brohorisnin “serbët dhe rusët, vëllezër përgjithmonë” si dhe “jo ndasive, Kosova është pjesë e Serbisë”.

Lexo më shumë Kryeministri Kurti vendos gurthemelin e nënstacionit policor të policisë kufitare në Izvor të Zveçanit, dy kilometra nga kufiri me Serbinë

Protestuesit mbanin në duar flamuj të Serbisë dhe Rusisë, si dhe mbishkrimet “Kosova nuk dorëzohet”.

Tubimi u organizua përmes njoftimeve në rrjetet sociale të një organizate të krahut të djathtë.

Gjatë protestës u dogj flamuri i Kosovës. Aktet kundër Kosovës u zhvilluan përpara godinës së Presidencës serbe.

Protestuesit e kanë cilësuar politikën e Aleksandër Vuçiç si të butë ndaj Kosovës dhe kanë kërkuar reagim më të ashpër. Organizatorët nuk kanë pranuar të identifikoheshin, ndërkohë që disa prej tyre ishin të maskuar.

Lexo më shumë Konjufca priti në takim Kryetarin e Kuvendit të Maqedonisë së Veriut, Afrim Gashi

Protesta vjen në kohën që tensionet në veri të Kosovës janë rritur për shkak të bllokimit të rrugëve dhe provokimeve me armë nga pakica serbe.