Thirrja e fortë e kryeministrit ukrainas në KE: Ndalni Rusinë para se të djegë Europën

 Kryeministri i Ukrainës, Denys Shmyhal, i cili i është drejtuar Këshillit të Evropës, thotë se Vladimir Putin ka nisur një luftë në shkallë të gjerë në qendër të Evropës që mund të bëhet një Luftë e Tretë Botërore.

Ai u bëri thirrje anëtarëve të Këshillit që të miratojnë një zonë të ndaluar fluturimi mbi Ukrainë për të mbrojtur të gjithë Evropën.

”Ne po kërkojmë mbylljen e qiejve mbi Ukrainën për hir të miliona njerëzve në Ukrainë. Për hir të sigurisë evropiane dhe botërore.”tha ai.

Shmyhal falënderoi gjithashtu Poloninë, Sllovakinë, Hungarinë, Rumaninë, Moldavinë, Lituaninë dhe vende të tjera evropiane për mbështetjen e tyre dhe për strehimin për ukrainasit që kanë ikur nga lufta dhe dhuna.

Ai vazhdon duke thënë se Evropa tregoi një kuptim të dobët të kërcënimit real të regjimit të Vladimir Putin, pavarësisht shkeljeve të shumta të ligjit ndërkombëtar dhe vlerave të tjera njerëzore.

Rruga Press