Themelohet Këshilli për shënimin e 28-vjetorit të Epopesë së UÇK-së

Qeveria ka miratuar propozim-vendimin për themelimin e Këshillit Shtetëror për shënimin e 28 vjetorit të Epopesë së Ushtrisë Çlirimtare të Kosovës.

Kryesues i këshillit do të jetë ministri i Mbrojtjes Ejup Maqedonci me bashkëkryesues Andin Hotin – ministër për Punë, Familje dhe Vlerat e Luftës Çlirimtare, si dhe anëtarë: kryetari i Komunës së Skenderajt Sami Lushtaku, ministrja e Kulturës dhe Turizmit Saranda Bogujevci, ministri i Administrimit të Pushtetit Lokal Elbert Krasniqi, gjenerali Bashkim Jashari, drejtori i Policisë Gazmend Hoxha. Nga një përfaqësues do të jenë edhe nga organizatat e dala nga lufta e UÇK-së, Zyrës së Presidentes, Kuvendit, Zyrës së Kryeministrit, si dhe Asociacionit të Komunave.

Epopeja mbahet më 5, 6 dhe 7 mars.

Rruga Press