“Tërbohen” serbët: Kosova na merr futbollistin e lindur në Beograd

Emir Sahiti konfirmoi një ditë më parë se do të luajë me përfaqësuesen e Kosovës.

Deri këtu nuk ka asgje për t’u çuditur për një lojtar që ka veshur edhe fanellën e Shqipërisë, madje me Shpresat ku ka shënuar 2 gola në 11 paraqitje.

Por nga Serbia siç duket po çmenden pasi 22-vjeçari ka lindur në Zemun, në Beograd dhe nuk arrijnë ta përtypin faktin që nje lojtar i lindur në kryeqytetin serb të veshë fanellën e Kosovës.

Gazeta më e madhe Kurir shkruan plot provokim “Një djalë i lindur në Zemun ka vendosur të luajë për të ashtuquajturën Kosovë”, teksa më pas pohon se dhe ëndrra e futbollistit ishte arritja në përfaqësuese.

Aktualisht Sahiti po lë përshtypje të mira me Hajduk Split në kampionatin kroat teksa më parë ka luajtur edhe për Trepçën, Rabotniçkin, Shibenikun.

Rruga Press