Sveçla: S’ka alternativë lufta ndaj shkelësve të ligjit

Ministri i Punëve të Brendshme, Xhelal Sveçla, i quajti të suksesshme aksionet e Policisë së Kosovës në disa lokacione, të kryera gjatë së enjtes.

Sveçla foli për aksionet e kryera në Shtërpcë për heqjen e kamerave të vendosura nga strukturat paralele, derisa tha se lufta ndaj shkelësve të ligjit nuk ka opsion tjetër.

“Dogana e Kosovës bashkë me njësitet policore kufitare po ashtu sot kanë konfiskuar mbi 6 ton mallra të kontrabanduara nga Serbia. Njësitet policore të antidrogës kanë përfunduar me sukses operacionin në Ivajë të Kaçanikut me ç’rast janë konfiskuar mbi 5 kilogramë marihuanë dhe pajisje për mbjelljen dhe kultivimin e substancës narkotike. Po ashtu, në Zveçan, Policia ka konfiskuar pajisje për prodhimin e kriptovalutave në vlerë prej 55 mijë euro dhe substancë narkotike të llojit marihuanë”, shkroi kreu i Ministrisë së Punëve të Brendshme.

Ai theksoi se lufta ndaj cenuesve të jetës së qytetarëve e shkelësve të ligjit nuk ka alternativë.

Rruga Press