Suedia do të blejë sisteme të mbrojtjes ajrore dhe anti-dronë

Ministri suedez i mbrojtjes, Pal Jonson në një deklaratë ka njoftuar se Suedia do të blejë sisteme mbrojtjeje ajrore dhe anti-dronë me vlerë 916 milionë dollar.

“Është më e rëndësishme se kurrë të investohet në aftësitë e mbrojtjes ajrore. Mbrojtja nga kërcënimet nga ajri është një përparësi e lartë për qeverinë dhe ne do të përfundojmë më shumë marrëveshje për të forcuar mbrojtjen suedeze,” tha ai.

Paketa do të përfshijë sistemin anti-dronë Gute II, një sistem radari dhe topash që mund të montohet stacionar ose në automjete. Të cila janë projektuar për të mbrojtur njësitë ushtarake, si dhe infrastrukturën kritike, siç janë termocentralet bërthamore ose kryqëzimet hekurudhore.

Paratë do të përdoren gjithashtu për municione dhe automjete, duke përfshirë automjetet e lëvizshmërisë së këmbësorisë nga firma finlandeze e mbrojtjes Sisu.

Sipas ministrit dorëzimet do të bëhen në vitet 2027 dhe 2028. Suedia, si shumica e vendeve evropiane, po nxiton për të forcuar mbrojtjen e saj pas pushtimit të Ukrainës nga Rusia dhe shpenzimet ushtarake parashikohet të jenë 2.8% e PBB-së në vitin 2026, duke u rritur në 3.5% në vitin 2030.

Rruga Press