Stuhia “Ana” po bën kërdinë në Afrikë me 77 viktima. Qindra banorë mbeten në qiell të hapur

Vendet e Afrikës së Jugut janë në gatishmëri të lartë, pasi stuhia vdekjeprurëse tropikale Anaa goditi Madagaskarin, Mozambikun dhe Malavinë, duke lënë të paktën 77 viktima.

Ndërkohë, dhjetëra, qindra banorë u detyruan të braktisin shtëpitë e tyre për shkak të kushteve ekstreme të motit.

Qeveritë dhe ekipet e shpëtimit në të tre vendet janë ende në procesin e vlerësimit të shkallës së dëmit të shkaktuar nga shirat e dendur që nisën javën e kaluar në brigjet e Oqeanit Indian dhe Kanalit të Mozambikut.

Mësohet se Madakasakri shpalli vendin në gjendje katastrofe kombëtare, duke mbajtur zi për 48 viktima. Në Mozambik dhe Malavi, numri i të vdekurve vlerësohet të jetë në 18 dhe 11 viktima respektivisht.

Stuhia goditi edhe Zimbabvenë, por autoritetet nuk kanë njoftuar për viktima.