Sot nuk u përdhos Policia e Kosovës, as Republika e Kosovës, por u përdhos Bashkimi Evropian me heshtjen dhe njëanësinë e tij
Shkruan Arbër Ibrahimi
Miroslav Lajçak, anëtar i Partisë Komuniste të Sllovakisë (Komunistická strana Slovenska, KSS) gjatë viteve 1983-1990, përkahës i partisë rusofile, Drejtimi-Social Demokracia Smer – slovenská sociálna demokracia, SMER–SSD).
Në kohën kur shteti Serb nuk dorëzonte në Tribunalin e Hagës për krime lufte në Jugosllavi shkaktarët kryesorë të Gjenocidit në Bosnje dhe Hercegovinë, gjeneralin Ratko Mladiç, udhëheqësin politik Vuk Karagjiq dhe akterët/ushtarakët kryesorë të Gjenocidit, Depërtimit dhe Spastrimit Etnik ndaj shqiptarëve të Kosovës, diplomati Mirosllav Lajçak gjatë vitit 2005 dekorohet me “Urdhërin e Yllit të Jugosllavisë së klasit të parë.”
Kurse sot është Përfaqësuesi Special i Bashkimit Evropian për Dialogun Kosovë-Serbi dhe për Çështjet e Ballkanit Perëndimor.
Kjo është “Evropa e vlerave, demokracisë, diversitetit, barazisë ndërmjet popujve dhe humanizmit”, ku lejon ushtrimin e detyrave dhe përfaqësimit nga një ish funksionar komunist, mik i shtetit Serb.
Prandaj Bashkimi Evropian hesht para veprimeve të bandave kriminale në veriun e Kosovës, të organizuara nga shteti Serb dhe politikave fashiste, ekspasioniste të këtij shteti në dëm të popullit shqiptar dhe pretendimeve të përhershme për copëtimin e territorit të Republikës së Kosovës.
Sot nuk u përdhos Policia e Kosovës, as Republika e Kosovës, por u përdhos Bashkimi Evropian me heshtjen dhe njëanësinë e tij që mbyll sytë ndaj çdo veprimi të Serbisë kundër Republikës së Kosovës.
Çdo veprim i Republikës së Kosovës nga Bashkimi Evropian shihet me tendencë, duke krijuar mekanizma bllokues për t’i pamundësuar funksionimin normal Republikës së Kosovës, në bazë të kushtetutës dhe ligjeve në fuqi të cilat janë në frymën e ligjeve evropiane.
Kjo është Evropa e vërtet që çdo ditë i shkel “vlerat e proklamuara të demokracisë dhe qytetarisë perëndimore që kinse mbrohen nga Bashkimi Evropian”, si institucion politiko-ekonomik.
Rruga Press