Sot bëhet hapi i parë për kërkesën për pranim në NATO

March 9, 2022 user 1

Sot pritet që Kosova ta bëjë hapin e parë institucional në qëllimin e saj për integrim në NATO.

Në rend dite në mbledhjen e Qeverisë është themelimi i një grupi punues ndërinstitucional për integrimin e vendit në NATO.

Që nga nisja e luftës në Ukrainë, autoritetet e Kosovës nëpërmjet deklaratave kanë kërkuar pranimin e shtetit në NATO dhe Bashkim Evropian. Kjo kërkesë është bërë edhe me rezolutën e Kuvendit të Kosovës.

Lexo më shumë Mediat proqeveritare publikuan ditë më parë të dhënave personale të gazetarëve, BE-ja i bën thirrje Serbisë të garantojë lirinë e shprehjes dhe medias

Një ditë më herët, kryeministri Albin Kurti në një intervistë për AFP-në kërkoi nga NATO-ja të lehtësojë rrugën e pranimit për shtetet e Ballkanit Perëndimor.

Po ashtu pritet edhe propozimi i kandidatëve për kryetar dhe anëtarë bordi të Organit Shqyrtues të Prokurimit dhe Autoritetit Kosovar të Konkurrencës.

Mbledhja e Qeverisë ka qenë e planifikuar për të nisur me fillim prej orës 10:00.

Lexo më shumë Papa thotë se plani i Trumpit për të dëbuar emigrantët është “turp”

Rruga Press